ហ្សាកាតា៖ អំឡុងពេលចូលរួមកិច្ចប្រជុំកំពូលអាស៊ានលើកទី៤៣ និងកិច្ចប្រជុំពាក់ព័ន្ធនៅប្រទេសឥណ្ឌូនេស៊ី រដ្ឋមន្ត្រីការបរទេស និងសហប្រតិបត្តិការអន្តរជាតិ លោក សុខ ចិន្តាសោភា នៅថ្ងៃទី៤ ខែកញ្ញា ឆ្នាំ២០២៣ បានជួបពិភាក្សាជាមួយលោក Vivian Balakrishnan រដ្ឋមន្ត្រីការបរទេសនៃសាធារណរដ្ឋសិង្ហបុរី នៅរដ្ឋធានីហ្សាការតា។
ក្នុងជំនួបនោះ ថ្នាក់ដឹកនាំកម្ពុជា-សិង្ហបុរី បានអះអាងសាជាថ្មីនូវការប្តេជ្ញាចិត្តក្នុងការពង្រីកទំនាក់ទំនងដ៏រឹងមាំនៃប្រទេសទាំងពីរ។
ជាមួយគ្នានោះ រដ្ឋមន្ត្រីការបរទេសទាំងពីរក៏បានពិភាក្សាសក្តានុពលនានាសម្រាប់កិច្ចសហការដែលផ្ដល់ផលប្រយោជន៍ទៅវិញទៅមក ក្នុងវិស័យសេដ្ឋកិច្ច កំណែទម្រង់រដ្ឋបាល និងការអប់រំនិងការបណ្តុះបណ្តាលវិជ្ជាជីវៈផងដែរ៕